ما زال عندي امل
مازال عندي أمل في وجه الكريم العالي ..... وكيف الجبال أنحمل وع الهم واسع بالي ..
مازال نقدر نصبر ..... وبمركبي بحر المصاعب نعبر ..... مازلت مهما أكبرت نعرف نخبر ..... درب الحياة فيما مضى والتالي ..
مازلت ما ننهز ..... ومازال في نفسي شموخ وعز ..... ولا ندير شينه في الكنين أتحز ..... ولا نضيف ناس أبخال ما تبالي ..
مازلت ثاقب نظرة ..... في دنيتي والناس عندي خبرة ..... مازلت كيف اليوم وأمس وبكرة ..... جوال نرحل كيف ما يحلا لي ..
مازلت كيف زمان ..... عاشق وهايم بالغلاء ولهان ..... حتى وأنا عايش بدون حنان ..... بعكس البشر لآني غلاء ولا غالي ..
مازلت صاح صحيح ..... ومازلت بيدي نتقي ونطيح ..... ومازال نوقف في مهب الريح ..... وما تضرني خونة أحدود أمالي ..
ومازلت ما ننهاس ..... ومازلت واثق صلب كيف الناس ..... ومازلت أنذوق وعندي إحساس ..... ولا ندير ثوبي م الرقيع البالي ..
مازال عزمي زين ..... وعندي محنة ع العرب لخرين ..... لكن اللي ماهو أمداد العين ..... ما نقربه لأجل يردى حالي ..
مازال زاهي لونه ..... ومازال عقلي ما نقص قانونه ..... كيف العسل بالسم شارب خونة ..... وتحاين أعروقه كيف قبل وتالي ..
مازال عندي أمل في وجه الكريم العالي ..... وكيف الجبال أنحمل وع الهم واسع بالي ..